صدا اس کرسی کو طاقت نہ مانو
قائم و دائم ، وراثت نه مانو
وقت نے تمہیں جو حاکم بنایا
اس کو تم اپنی کرامت نہ مانو
انساں کو انساں نہ جانو اگر تم
اسے تم ، اچھی خصلت نہ مانو
مانا کہ، ہر سو ظلم و جبر ہے
اس بے بسی کو شرافت نہ مانو
کبھی ایسا دن نہ آے ریاض
کسی کی عزت کو عزت نہ مانو
مصنف: ریاض احمد، جو ’ریاض ملک‘ کے قلمی نام سے جانے جاتے ہیں، جموں و کشمیر کے ضلع راجوری کی تحصیل بدھل کے علاقے راج نگر سے تعلق رکھتے ہیں۔ وہ کثیر لسانی صلاحیت کے حامل ہیں اور اردو، ہندی، کشمیری، پہاڑی، گوجری اور بدھلی جیسی کئی علاقائی زبانوں اور مقامی بولیوں سے واقف ہیں۔ وہ اس وقت اتر پردیش کی لکھنؤ یونیورسٹی سے انگریزی میں پی ایچ ڈی کر رہے ہیں۔
