اپنی روح کو بیدار کیجیٔے
تھوڑی دیر سوچ لیجئے
حالات کا تقاضا کیجئے
ذرا اپنے ضمیر کو جھنجھوڑیئے۔۔۔
بغیر کسی غلامی کے
بغیر کسی دباؤ کے
بغیر کسی ڈر کے
کوشش کرتے رہیے
اپنی منزل کو ڈھوندھتے رہیے
اور کسی بھی حد تک جائیے
اس کو پائیے……
خود کو بہادر مانو
کبھی کم تر نہ جانو
ہمت و حوصلہ اور دم سے
تم ہاں کہہ دو۔۔۔ ہاں
ہاں، ہاں۔۔ یعنی۔۔ ہاں
حالات سے مقابلہ کیجئے
سچ اور انصاف کو ساتھ لیجئے
ناں کہنے کی جرات بھی رکھیئے
ناں، ناں۔۔۔ یعنی ناں
صاف نیت کے ساتھ
سچ پر قائم رہیے
منزل کی طرف بڑھتے رہیے
پھر آگے دیکھتے رہیے
اگر کوئی اونچی آواز ہے
وہ صرف تمہاری ہے
!تمہاری ہے، تمہاری!۔۔۔ یعنی تمہاری ہی ہے
مصنف: ریاض احمد، جو ’ریاض ملک‘ کے قلمی نام سے جانے جاتے ہیں، جموں و کشمیر کے ضلع راجوری کی تحصیل بدھل کے علاقے راج نگر سے تعلق رکھتے ہیں۔ وہ کثیر لسانی صلاحیت کے حامل ہیں اور اردو، ہندی، کشمیری، پہاڑی، گوجری اور بدھلی جیسی کئی علاقائی زبانوں اور مقامی بولیوں سے واقف ہیں۔ وہ اس وقت اتر پردیش کی لکھنؤ یونیورسٹی سے انگریزی میں پی ایچ ڈی کر رہے ہیں۔
