Kahan Se Zulum Shoru Howa – A Poem for Kashmir

Kahan Se Zulum Shoru Howa, Kahan Se Is Ka Panaah Howa

Zaalim Firoon Abhi Bhi Hai, Kahan Se Is Ka Janam Howa

Masoom Lutay Is Ke Haathon, Koun Na Is Ka Shikaar Howa

Maayein Bhi Teer Khayein Aaj, Beta Jo Inka Shaheed Howa

Kitne Ghar Ujjad Gaye, Raakh Ban Ke Raigistaan Howa

Kabhi Parda Ujjad Gaya, Kabhi Behoosh Matam Howa

Subha Kahaan Hai Kashmir Ki, Kaisa Baidardana Haal Howa

Kadam Rakhon Kahaan Main Ab, Qabaristan Sara Kashmir Howa

Bijli Kahan Na Foet Paddi, Koun Koun Na Shikaar Howa

Gul Bhi Yahaan Ghul Howa, Bulbul Kaha Na Qatal Howa

Khoon To Rang Laye Ga Hi, Shaheed Jo Is Ka Shahid Howa

Narah Laga Akbar Ka, Gul Ka Narah Gulzar Howa